السيسي هو الي ترك شيوخ الفتنة و دعاه الضلال يكفرون و يلعنون أم الشعب علي القنوات الدينية ..
السيسي هو الي جاب عبدالله بدر و الأخ بتاع "هاتولي راجل" و صفوت حجازي و كل الأشكال الضالة دي عشان تكره المصريين في الأسلاميين و الأخوان ....
السيسي هو الي قال في مشروع نهضة و طلع في الأخر مفيش مشروع أصلاً ..
السيسي هو الي خلي مرسي الأستبن بتاع الشاطر و مندوب المرشد في القصر ...
السيسي هو الي أصدر الأعلان الدستوري الأسود الذي قسم به المصريين ...
السيسي هو الي كان بيوجه خطابته لل"الأهل و العشيرة" ....
السيسي هو الي خلي أنصار مرسي يحاصروا المحكمة الدستورية و ينزوا الشارع قبل صدور القرارت أصلاً.....
السيسي هو الي عمل دستور في نص الليل بالرغم من معارضة كل القوي السياسية
السيسي هو الي عمل مؤتمر نصرة سوريا و هو الي خلي الشيوخ يقفوا في نص الأستاد يحرضوا علي الفتنة الطائفية و يكفروا المجتمع قدام مرسي...
السيسي هو الي ساب أبو أسماعيل يحاصر مدينة الأنتاج الأعلامي و يهدد الأعلاميين عيني عينك..
السيسي هو الي قتل ال١٦ جندي في رمضان عشان يقيل طنطاوي و عنان ....
السيسي هو الي جاب قتلة السادات يحضروا أحتفلات أكتوبر ...
السيسي هو الي جاب عضو الجماعة الأسلامية محافظ للأقصر....
السيسي برضو هو الي جاب هشام قنديل رئيس للوزراء ...
السيسي الي عمل مؤتمر مياه النيل و ذاعوا علي الهواء و عمل أكبر فضيحة لمصر ...
السيسي هو الي شاف ٧ من جنوده بيتخطفه و طلع يقول نطالب بالحفاظ علي سلامة الخاطفين و المخطوفين ...
السيسي هو الي ساب سيناء للمجاهدين و لحماس ...
السيسي هو الي أدي عفو عن الجهاديين و الأرهابيين من السجون ..
السيسي هو الي وعد بعشرة عهود في مؤتمر فرمنت و أخلفهم كلهم ..
السيسي هو قتل ٤١ قدام سجن بورسعيد...
السيسي هو الي جاب أنصاره يقتلوا و يعذبوا المتظاهرين قدام الأتحادية ..
السيسي هو الي قعد قدام رئيسة وزراء أستراليا يلعب في مكان حساس ..
السيسي هو الي كان بيطلع يهرتل في خطابته قدام العالم و يقول " درنك اند الكوهول ذونت ميكس" و "القرد و القرداتي" .....
السيسي هو الي طلع يوم ٢٦ يونيو في مؤتمر يتحدي الشعب كله علي الهواء مباشرة و هو كمان الي تجاهل مطالب الملايين في ٣٠ يونيو و طلع بعديها يقول كلمة شرعية مليون مرة ...
السيسي هو الي سجل خطاب قبل رحيله بيقول فيه يا أنصاري الجهاد سبيلنا و الموت في سبيل الله غايتنا ...
السيسي هو الي وقف علي منصة رابعة و قال سنسحقكم و سنحرق مصر و سنحولها دولة أسلامية..
السيسي هو الي حرق ال٥٠ كنيسة و هو الي قتل الظباط في كرداسة و المنيا و هو الي جاب الجهاديين يحاربوا الجيش في سيناء و هو الي خطط لتفجير مديرية أمن القاهرة و القليوبية و غيرها ....
فعلاً السيسي هو المتآمر ...هو الي عمل كل الخطط دي عشان يبقي رئيس جمهورية
وها يبقي فعلا
رئيس الجمهورية
ليست هناك تعليقات:
إرسال تعليق